Raportet mes Juan Jesus dhe Romës duket se janë prishur përfundimisht. Mbrojtësi brazilian ka gjetur shumë pak hapësira në këtë sezon dhe frustrimin e tij ai po e shfaq edhe në rrjetet sociale me një mesazh që nga njëra anë mund të interpretohet si një batutë e thjeshtë, por nga ana tjetër nuk mund të fshehë një lloj polemike.

Klubi verdhekuq vendosi të komunikojë për afrimin e sfidës me Sampdorian që do të luhet në 24 qershor duke publikuar në  profilin e tij në Instagram një countdown të simbolizuar nga numrat në fanelat e lojtarëve duke u shfaqur një foto grupi, nuk ishte imazhi i Juan Jesus. ‘Sa bukur, Roma nuk më përfshin në foton e profilit të saj. Kjo do të thotë sa besim ka te unë-komentoi Juan Jesus

Polemika vijoi edhe te komentet me një sërë përgjigjesh e kundërpërgjigjesh me tifozët. Dikush i kërkoi Jesus të largohet kështu që Roma kursen koston e pagës së tij dhe futbollisti iu përgjigj: ‘Sipas teje, me ato pak para të miat do të rregullohet bilanci? I ke hapur leksionet e matematikës?’.

Romën e pret një tur force me verdhekuqtë që do të luajnë deri në gusht dhe është e mundur që në ndeshjet e radhës të ketë hapësira për Juan Jesus,  por në fund të sezonit duke parë se në shtator nis edhe viti i tij i fundit në kontratë, largimi i tij nga verdhekuqtë duket se është i paevitueshëm.

sfidanti.al