FIFA iu dha edhe një goditje tjetër klubeve të mëdhenj evropianë, duke eliminuar një rregull të rëndësishëm. Në një mbledhje, të zhvilluar, këto ditë në Zyrih, me nismën e FIFA-s, temë qëndrore diskutimi ishte vendosja e një limiti për numrin e futbollistëve, me të cilët mund të ketë kontratë një klub, si edhe për pakësimin e madh të lojtarëve që mund të huazohen.

Arsyeja e marrjes së një mase të tillë janë fitimet që arrijnë të sigurojnë klubet e mëdhenj në një mënyrë të tillë joetike.

Ata angazhojnë një numër të madh futbollistësh, shumë prej tyre me kapacitet cilësor të pamjaftueshëm për nivelin e këtyre klubeve, ndërkohë që shumë të tjerë i dërgojnë, pra, i huazojnë në klube të tjerë, duke bërë para të mëdha nga shitja e këtyre futbollistëve. Po ashtu, përmes praktikës së huazimeve, këta klube bëjnë spekulime financiare dhe shmagin disa rregulla, si psh. në rastin e PSZH-së dhe të Kilian Mbapes.

“Të shenjtët” nuk do të guxojnë më dot që të shpenzojnë e të blejnë dhe ta marrin përsëri Mbapen, duke u justifikuar me huazimet, ndërkohë që nëpër kontrata ka edhe klauzola qesharake.

Në këtë kategori bëjnë pjesë Juventusi që u ka dhënë, madje, 41 futbollistë në formë huazimi klubeve të tjerë, i ndjekur nga Udineze me 27 lojtarë të huazuar dhe Çelsi që, në fakt, vjet ka pasur shumë më tepër, por sivjet e ka ulur numrin e futbollistëve të huazuar deri 22.

Sfidanti.al