Nuk mendohet aspak se kishte ndonjë synim “diversionist”, por ndoshta ka qenë rastësi, apo tekë njerëzore. Xhejdën Sanço spikati (paksa me vonesë) në ndeshjen e Dortmundit ndaj Augsburgut, për këpucët që veshi gjatë 90 minutave në startin e Bundesligës. Në pjesën e parë, talenti i ri anglez kishte mbathur një palë me ngjyrë tërësisht të bardhë, duke bërë kontrast me uniformën e tij të verdhë dhe të zezë.

Pas pushimit, papritur ai mbante në këmbë një palë të tjera, me ngjyrë blu. Mos ndoshta, iu dëmtuan të parat, ndoshta nuk u ndje mirë me to, mos vallë ishte çështje sponsori? Ku i dihet, dhe në fund të fundit, nuk pati asnjë rëndësi. Sanço luajti shumë mirë me të dyja palët e këpucëve, ndërsa gazetat gjermane bënë shaka duke thënë se ai i zgjodhi me ngjyrat e Shalkes, bardhë e blu. Diçka që bie në sy, sepse Dortmundi dhe Shalke janë rivalët më të ashpër në Gjermani.

Sfidanti.al