Skënderbeu i ka bërë rrugë humbjet në Superligë, madje edhe kur luan në fushën e vet. Kështu i ndodhi edhe në ndeshjen e fundit me Luftëtarin, duke pësuar disfatë me shifrat 3-2. Kampionët kaluan të parët në epërsi me anë të Bregut që në minutën e 10-të, por gjirokastritët përmbysën gjithçka në fare pak minuta.

Në minutën e 25-të, Bregu barazoi sërish rezultatin dhe u desh të pritej fundi i ndeshjes që të shënohej goli vendimtar. Luftëtarit i erdhi në ndihmë arbitri që akordoi një penallti tepër të dyshimtë për miqtë, madje skandaloze, pasi topi u prek me kokë. Nga pika e bardhë nuk gaboi sulmuesi Shkurtaj që vulosi rezultatin 3-2.

Kjo ishte humbja e pestë e Skënderbeut këtë sezon, diçka tepër e habitshme për një ekip që ka arritur të mundë dy herë Partizanin kryesues. Korçarët kanë zbritur në vendin e katërt, me me shumë gjasë mund të kalohen edhe nga Laçi e Flamurtari. Ata duken plotësisht të painteresuar për Europën, diçka që tregon se punët me KAS-in nuk janë mire. Luftëtari, ndërkaq, u ngjit mbi Tiranën me 16 pikë, dhe ka më shumë shpresa për mbijetesë në Superligë.