Mallorca ka konfirmuar se Vedat Muriqi në ndeshjen ndaj Kosovës, të cilën ekipi e fitoi 1-0 ndaj Izraelit në kuadër të kualifikimeve për Euro 2024, ka pësuar dëmtim jo edhe të lehtë në muskuj.

Drejtori sportiv i klubit spanjoll, Pablo Ortells bëri të ditur se sulmuesi do të mungojë nga katër deri në gjashtë javë.

“Vedati ka pësuar një dëmtim në ndeshjen e luajtur të dielën me kombëtaren e tij. Ai ka një dëmtim të vogël në këmbën e majtë. Tani është koha për të shikuar gjendjen, të rikuperohet mirë dhe sa më shpejt. Nuk është serioze por në fillim informacionet që morëm nga aty na tregonin për gjurin, kyçin e këmbës…për shumë gjëra. Është konfirmuar se është një dëmtim i muskujve që do ta mbajë atë jashtë nga katër deri në gjashtë javë. Ne jemi gjithmonë shumë të kujdesshëm për të qenë në gjendje të themi ose të japim informacion për një periudhë rikuperimi sepse disa shkojnë më shpejt dhe të tjerët marrin edhe pak më gjatë”, shprehet drejtori sportiv i klubit spanjoll, Pablo Ortells.

sfidanti.al