Duket sikur nuk është larguar aspak nga Turqia. Sokol Cikalleshi është përshtatur më së miri në Ligën Profesioniste të Arabisë Saudite ku shënoi dy herë në ndeshjen e fundit. Sulmuesi i kombëtares shqiptare i dha fitoren 2-0 ekipit të tij, Al Halexh, në sfidën ndaj Damacit. Të dyja rrjetat ai i shënoi në pjesën e parë, dhe tani ka 5 goditje në shenjë, po aq sa edhe legjenda portugeze Kristiano Ronaldo, ndërsa numëron edhe 1 asist. Sulmuesi kuqezi ka qenë vazhdimisht titullar, në gati 90 për qind të ndeshjeve e duke luajtur rreth 90 për qind të minutave. Jo vetëm kaq, por kavajasi ka marrë pjesë në krijimin e një të tretës së golave të ekipit.

Falë kontributit të kavajasit po lufton për mbijetesën duke qenë në vendin e 13-të të ligës me 16 ekipe, 6 pikë mbi zonën që të zbret në kategorinë e dytë. Kristiano Ronaldo ka gjithashtu 5 gola, ndërsa ka shërbyer 2 asistë. Natyrisht, legjenda portugeze ka luajtur në shumë më pak ndeshje, në vetëm 4, ndërsa jo më kot është sot për sot shënuesi më i mirë i historisë së futbollit botëror. Superylli, që besohet se fiton 200 milionë euro në sezon tek Al Nasri, nuk realizoi në ndeshjen e fundit, që ekipi i tij e fitoi 2-1 ndaj Al Tauounit, por ishte njeriu që shërbeu pasimin për të dyja rrjetat. Me Ronaldon si kapiten, Al Nasri është në vendin e parë , me pikë të barabarta me rivalët si Al Itihad apo Al Shabab.

Sfidanti.al