Pas dëmtimit horror, që solli frikë dhe ankth me frikë ndeshjen mes Sauthempton dhe Çelsit në Premier Ligë, Cesar Azpilikueta mund ta quajë veten gjithsesi një njeri me fat. Ai i është nënshtruar testeve mjekësore dhe për fat të mirë nuk ka asgjë serioze dhe është lejuar të shkojë pranë familjes. Një lajm i mirë, pasi kapiteni i Bluve të Londrës pësoi një dëmtim të rëndë dhe për disa momente humbi ndjenjat në fushën e lojës. Gjatë një dyluftimi për topin në zonë, mbrojësi u godit në fytyrë nga rnjë prej lojtarëvbe kundërshtarë. Që në fillim u pa që dëmtimi ishte i rëndë, pasi lojtari ra pa ndjenja në fushë.  Si fillim në ndihmë i erdhën futbollistët e tjerë, ndërsa më pas edhe stafi mjekësor i të dyja skuadrave dhe ato të stadiumit.  Ndeshja u ndërpre për rreth 15 minuta, ndërsa Azpilikueta u largua nga fusha me barrelë dhe me maskë oksigjeni, por gjithsesi i vetëdijshëm, duke përshëndetur tifozët që duartrokitën daljen e tij nga fusha. Më pas ai u dërgua në spital për kontrolle të imtësishme, që nuk gjetën asnjë shqetësim të rëndë për shëndetin e lojtarit.

Sfidanti.al