Jetojmë kohë ndryshimesh dhe kërkesash për më shumë liri, mundësi dhe barazi, por jo rrallë kaq keqkuptime, ndjeshmëri të tepërt dhe skajshmëri. Në Zelandën e Re po qarkullon ideja që ekipi kombëtar i futbollit të mos quhet më “Oll Uajts” (All Whites), pra “krejtësisht i bardhë” sepse konotacioni duket racist. Në të vërtetë, ky emër ka lidhje me ngjyrën e uniformës që është 100 për qind e bardhë, por ja që ka sulme për këtë emërtim, si dhe ka ndjenjë faji në anën tjetër. Gjithsesi, një gazetar bën shaka duke kujtuar se ekipi i famshëm kombëtar i regbisë i Zelandës së Re, më i miri në botë, quhet “Oll Bleks” (All Blacks), pra “krejtësisht i zi”, edhe në këtë rast për shkak të ngjyrës së uniformës. Mos duhet ndryshuar edhe kjo nofkë?!

Sfidanti.al