Natyrisht, luan në një kampionat më të lehtë, edhe pse nuk mund të thuhet se është në pozita shumë më të ndryshme sesa Bajerni. Paris SG, ndërkaq, po e shfrytëzon më së miri epërsinë dërrmuese në kampionatin francez, duke arritur edhe fitoren e 10-të radhazi, pas “mandatës” 5-0 që i dha Amienit.

Kilian Mbape, Markinjos, Rabio, Draksler dhe Diabi shënuan golat për skuadrën e trajnerit Tuhel që kështu barazoi rekordin europian të fillimit më të mirë të sezonit në një nga ligat kryesore. Bajerni i Guardiolës kishte arritur po 10 fitore radhazi në 2015-2016, ndërsa rekordin fillestar e pat vendosur Roma e Rudi Garsisë me 10 triumfe të pandërprera në 2014-2015. PSG ka mundësi të bëhet rekordmen i vetëm, nëse fiton ndeshjen e radhës, edhe pse ajo do të jetë me “spec”, në 28 tetot në fushën e Olimpikut të Marsejës.

Sfidanti.al