Tifozët mund të jenë të lehtësuar, ose të paktën mund të marrin frymë më lirshëm. Dështimi në Botëror mund të ketë qenë thjesht një moment “JO” për Gjermaninë, dhe aspak një krizë afatgjatë. Të paktën, kështu tregoi ndeshja ndaj Francës kampione në “Alianc Arena” të Mynihut. Të besuarit e trajnerit Joakim Lëv, jo vetëm nuk ishin siç u panë në Rusi, por as nuk e ndjenë mungesën e Mesut Ozilit, duke u ndalur nga një lojtar i vetëm.

Ky lojtar ishte portieri rezervë francez, Alfrons Areola i PSG-së, që zuri vendin e Jorisit të dëmtuar. Ai bëri pritje të mëdha ndaj Timo Vernerit, Marko Rojsit, Mats Humelsit, Tomas Mylerit apo Matias Ginterit. Gjermania pati mundësi të tjera, në takimin që përfundoi 0-0 dhe që vlente për Ligën e Kombeve, të cilin në gjuhën e boksit mund të thuhet se e fitoi “me pikë”.

Mbape e Grizman patën mundësi për Francën, që luajti ashtu si në Botëror, duke pritur në mbrojtje e duke kërkuar shpejtësinë e jashtëzakonshme të Kilian Mbapesë në kundërsulm.

Sfidanti.al