Flojd Mejuedhër është tërhequr dy herë nga boksi profesionist, por ndoshta do të ketë kohë të tërhiqet për së treti. Amerikani 40-vjeçar po stërvitet ende fort në palestrën e tij në Las Vegas, edhe pse ka pasur gjithashtu një udhëtim në Murin e Madh kinez. Menaxheri i përgjithshëm i televizionit “Shoutajm Sports” (Shoëtime Sports), Stefën Espinoza, thotë se Mejuedhër “po stërvitet si manjak” dhe se është në formë sportive për t’u ndeshur.

Duket se ish-mbreti i peshave të mesme pëlqen të ndjejë sërish emocionet e një ndeshjeje të madhe, ndërsa oreksi i tij i pangopshëm për para duhet të jetë hapur edhe më shumë pasi fitoi rreth 300 milionë dollarë nga përballja me Konor Mekgregorin. Fitorja ndaj irlandezit ishte e 50-ta në karrierë (0 humbje), ndërsa mister mbetet kundërshtari i radhës.

Kandidatë mund të jetë vetë Mekgregor, kampioni i sotëm botëror i peshave të mesme Keith Tërman, kampioni i IBF-së Errol Spens, por sidomos kampioni i madh nga Kazakistani, “GGG” Genadi Golovkin.

Sfidanti.al