Ndërsa po presim Plakun e Vitit të Ri, u shfaq , si zakonisht në fundviti, “Plaku i vjetër” i futbollit, presidenti Duka .I përpiktë në takim,  si zakonisht vetmitar në studio,  sepse askush nuk meriton ta pyesë..kur ai ka vite që pyetjet i merr me vete.   “Plaku”, këtë herë,  është treguar më   i sinqertë me “fëmijët e futbollit” , aq  sa në një moment fatlum  ka hapur zemrën  “ Nuk kam kokërr leku, sepse të gjitha i kam prona”.  Po të besosh në filozofinë zyrtare  se, kur flet presidenti flet vetë futbolli, apo në atë urimin e pavdekshëm   të atij zyrtarit kampion në garën e  servilizmit , kur  me rastin e ditlindjes së shefit, shpiku  të famshmen    “ Të rrojë futbolli.. sa presidenti Duka”,  kjo fraza e fundit shijohet si një “gjel deti” që është ushqyer me ..peshk!

Futbolli është shndërruar në pronë dhe dhe pronat e sotme janë prej betoni! Kurrë më parë nuk kemi patur kaq shumë stadiume të reja, stadiume ku loja që luhet me topa “Nike” apo Adidas”, nuk  ndizet  aq  bukur si ajo me “top betoni”.  Kujt i shkonte në mëndje  se edhe zyrat e reja të FSHF-së do të  ngjasonin si një stadium më vete,  i vetmi që jep siguri për t’u mbushur  plot e përlplot me popull  të devotshëm,  si një shpagim për stadiumet që kanë kohëe që kanë vdekur . . Të paktën një herë në vit, le ta besojmë “babagjyshin tonë” , kur  edhe në ditët e depresionit të madh të shkaktuar nga tërmeti, nuk nxitoi  si pasanikët e tjerë të dhuronte para,  por pësëri “lodra” prej betoni…3 apartamente në emër të futbolit.

Sfidanti.al