Nuk ka paqe nën ullinj! Edhe pse ka qënë një titull filmi, mund t’i shkojë për shtat filmit real të përplasjeve të vazhdueshme mes klubit Partiani dhe FSHF-së. Një betejë që do të vazhdojë shumë më tepër se sa një sezon kampionati. Disa e ndjekin me kureshti “demin e kuq” ngaqë nuk është i frikshëm vetëm për rivalët në fushë, por edhe shkakton frikë tek njerëzit e zyrave, që ishin mësuar me klube memece, pa gjuhë dhe me luftë të munguar ndaj burokracisë.

Partizani , sapo është dënuar Skënderbeu nga UEFA, ka kërkuar titullin kampion dhe shumën financiare që i takon vendit të parë, Partizani në krye të rebelimit për gjetjen e së vërtetës për 4 milionë euro që janë avulluar në emër të futbollit të moshave. Përsëri, Partizani, prish “gjumin mbretëror” kur kërkon 3 pikët e Derbit ngaqë organizatorët dështuan në përgatitjen e ndeshjes së bujshme. Ka shumë arsye që në mjedisin zyrtar të mos quhen”demi i kuq” por “macja e zezë”, ngaqë, Partizani, sa herë u del përpara drejtuesve të futbollit, shkakton kokëçarje, pagjumësi, madje edhe lëkundje të fronit që duket si i përjetshëm.

Sfidanti.al