Kjo ishte e ç‘ishte!  Sapo dëgjojmë euforiken  rroftë Kridenc Meta, fillon tjetra  … poshtë  Kridenc Meta ! Presidenti  Duka e bekoi në takimin me arbitrat , kurse Partizani e mallkoi pas eleminimit nga Kupa në  përballjen me Laçin ! Sa do ta donin një fat të tillë gjithë arbitrat, vetëm ta  kishin bekimin e “mbretit”,  punë e madhe  ç‘akuza bëjnë  ekipet…

Disa ditë më parë, kur presidenti Duka u tërhoqi ( medemek  fort) veshin arbitrave në një takim kokë më kokë,  ngaqë  po nxirrnin “trenin e besimit ”   nga shinat, fati i buzëqeshi vetëm …qerosit. Kështu  e thërrasin Kridenc Metën., që këto kohë ishte shfaqur si engjëll me bilbil.  Presidenti u kishte dhënë një model  për të kopjuar  : Ndiqni shembullin e Metës  në gjykim, për të askush nuk ankohet !”  Mos flasim për belanë që e gjeti   arbitrin e  FIFA-s, Juxhin Xhaja, kur kishte marrë  një pyetje  ç’armatosëse : Pse ashtu jepen penalltitë, siç bën ti..” Dhe kush më mire se “baba i lodrës” e di se si jepen penalltitë…

Ndiqni shembullin e Kridenc Metës ,  një frazë që del nga goja e shefit të madh për një arbitër që e kanë “vrarë” tri here  dhe më në fund  e ngjallin për ta lëvduar. Por, ky  modeli Meta nuk zgjati shumë  ose zgjati aq sa duhej për të mbërritur tek  adresa e njohur..gabime njerezore!

Pas eleminimit nga Laçi me 11- metërsha, Partizani thirri me zë koke kundër arbitrit Meta.  I  paska  kullufitur jo një penallti, por tre bashkë!  Dhe ku ? Në Laç, atje ku arbitrat e thonë vetëm nëpër dhëmbë , është vendi ideal për të bërë “gabime njerëzore” , sidomos  tek pika e bardhë! Kishim kohë pa ia dëgjuar britmën e zemërimit Partizanit, madje thuhej se “demat”  kishin bërë pakt me “djallin” se asnjë  arbiter, qoftë me flokë ose  pa flokë , nuk do të guxonte  t’i  tridhte me marifet ndeshjen. Hajde besoje këtë pakt, kur të gjithë e dimë se Kupa është e mbushur me helm.. qyshse në fron është ulur “mbreti”.

Sfidanti.al