Paska  dy fytyra  Kombëtarja jonë : një nga jashtë, e cila të merr në qafë  dhe një nga brenda, që të “pakëson jetën”! E lumtur që po shkon në Europian, madje  e paduruar sa të fillojnë ndeshjet me Spanjën, Italinë dhe Kroacinë ,po ta besosh kur flet.  Dhe  një pamje  të ngrysur  dhe dyshuese, nëse i përgjon nga brënda. Atje  ku  fshihej   një “sekret” dhe një siklet që nuk ua mban shpirti. Sapo e dëgjon, të duket sikurduan të na minojnë  ..lumturinë kuqezi! :  Kombëtarja akoma nuk e paska marrë premion e premtuar për në Europian. Dhe çfarë premio, plot 5 milion euro!

Pse kanë frikë çunat e Kombëtares? Një frikë, që siç tregohet,  po shtohet me afrimin e Finaleve.  Pse flasin dhe përshpërisin me njëri tjetrin dhe kur dalin në intervista, betohen  se i vetmi hall i tyre është ..Spanja, Italia dhe Kroacia. Pra kundërshtarët e grupit në Europian.

Apo mos vallë kanë frikë  nga ajo  që ndodhi me paratë në Europianin e kaluar, më 2016-tën? Atehere,  kur kokoshi u katandis një thelë..nga 40 mijë euro secili, shuma u katandis  në …10 mijë euro! Po atëherë , kur u kualifikuam 6 vite më parë, u bënë goxha shpenzime të “lavdishme” dhe për kundershtarin , po këtë herë … kujt ia paskemi borxhin..

Sfidanti.al