Në vapën e gushtit, sidomos kur temperatura ka bërë “blerje” speciale  në të nxehtin e Afrikës, një humor i mirë të freskon më shëndetshëm edhe sa vetë ..birra!  Në të njëtën ditë, morëm një lajm  të keq  dhe një lajm të mirë : Egnatia pësoi 4 gola në Rrogozhinë   dhe u eleminua nga Europa, kurse Dinamo gjunjëzoi Hajdukun e Splitit me  3 gola dhe u kualifikua. Batuta që lindi në këtë mbrëmje : shyqyr zotit që presidenti Duka preferoi të shikonte Egnatian dhe jo Dinamon në stadiumin e “vet” ..Arena Kombëtare, sepse Dinamo do të kishte fat tjetër..

Tifozet e  kanë shpallur  “ters” presidentin Duka,  edhe pse ai  sakrifikon në mes të gushtit, shfaqet në stadium kur duhet të ishte në mes të detit me jaht . Pyetja  që lindi pas kësaj mbrëmje : pse nuk zgjodhi Dinamon ne Arena  por Egnatian ne Rrogozhinë?

Presidenti, gjatë sundimit së tij të gjatë sipër topit, ka dëshmuar se është i lidhur më shumë me ekipin kampion sesa me ekipet e tjera. Pse do të thoni? Sepse e quan meritë të tij kur dikush fiton titullin kampion , pa “bamiresine”  e tij nuk mund të vësh kurorën e futbollit…Pale kur mendon të “pamundurën”… dy vite me radhë kampion !

Sfidanti.al