Akoma nuk është Tirana ime! Këto janë fjalët e trajnerit Orges Shehi në një intervistë në prag të ndeshjes së kthimit me Beshiktashin. Po cila është “kjo Tirana ime”, kur gjysma e mirë, ajo e Shehit,  ka ikur nga ekipi dhe ka ardhur një gjysmë tjetër, ajo e presidentit Halili,  akoma e e palidhur me trupin bardheblu. Nëse ndodh një haleluja  me Beshiktashin dhe rilind  kjo “Tirana ime” e Orgesit , a mjafton për të përmbysur turqit e hidhur të Beshiktashit…

Si fëmija që i ngjan nënës, edhe Tirana qahet për golat në minutat e fundit në Turqi, tamam siç bën Kombëtarja ngahera. Sa i ngjan “nonës” kur flitet  për disa gabime që nuk janë të denja kur luajm në Europë.

”Golat djegin shumë në fund” –  na prek plagën  e vjetër  trajneri bardheblu, sikur golat që pëson në  fillim janë gola që kanë kohën e vet, kurse ato në fund… vijnë si me pabesi! Shehi  ka 100 arsye të mos shtrëngohet e të thotë se mund të ndodhë “mrekullia e tetë” me Beshiktashin.., por nuk mund te humbet rasti qe te predikohet ..përmbysja e rezultatit 3-1!

Sfidanti.al