Igli Tare është gjithnjë e më pranë marrjes së rolit të drejtorit të ri sportiv të Milanit. Sipas asaj që po ndodh, pas takimeve të zhvilluara të premten në Londër me Cardinale dhe Ibrahimovic, ish-menaxheri i Lazios në fakt është përpara Berta dhe Fabio Paratici, dy kandidatët e tjerë që po shqyrtohen nga klubi.

Nëse zgjedhja e Tares si drejtori i ri sportiv do të konfirmohej përfundimisht në orët në vijim, duke pasur parasysh marrëdhëniet e shkëlqyera mes palëve, edhe Moncada do të qëndronte me kuqezinjtë bashkë me menaxherin shqiptar. Pasi janë takuar me Berta dhe Paratici dhe kanë dëgjuar pozicionet dhe idetë e tyre, drejtuesit e Milanit kanë vendosur të fokusohen më shumë te ish-drejtori sportiv i Lazios, për t’i dhënë skuadrës një pikë referimi. I freskët nga eksperienca e tij te Atletico Madrid dhe i tërhequr nga sfida e Premier League, për më tepër, kandidatura e Berta është ftohur pak ditët e fundit, me Arsenalin në sfond. Edhe Fabio Paratici ka zbuluar synimin e tij për të qëndruar në Angli me negociata të ndryshme në vazhdim, përveç asaj me Tottenhamin.

sfidanti.al