Mançester Siti në mënyrë të papritur ka bërë të ditur se Pep Guardiola ka lënë përkohësisht drejtimin e Mançester Sitit. Një situatë e pazakontë, pasi trajneri do t’i nënshtrohet një ndërhyrje kirurgjikale, ndaj ka udhëtuar drejt Barcelonës për këtë operacion “urgjent”.

“Trajneri i Mançester Sitit ka vuajtur dhimbje të forta të shpatullës prej disa kohësh dhe udhëtoi drejt Barcelonës për t’iu nënshtruar një ndërhyrje kirurgjikale urgjente të realizuar nga doktoresha Mireia Ijueca. Operacioni u mbyll me sukses dhe Pep do të rikuperohet dhe rehabilitohet në Barcelonë”, shkruhej në njoftimin e klubit. Sipas të njëjtës komunikatë, shpjegohej se Guardiola ”shpresohet të kthehet pas ndalesës për ndeshjet e kombëtareve”. Si rrjedhojë, pritet që tekniku spanjoll të mungojë në dy ndeshjet e radhës së skuadrës së tij në kampionat ndaj Shefilld dhe Fullhem. Drejtimin e skuadrës përkohësiht do te e marrë ndihmësi i tij, Huanma Lijo, i cili këtë verë iu bashkua stafit teknik të Guardiolës, pasi u largua nga aty Enco Mareska.