Besëlidhja ka fituar Superkupën e Shqipërisë në basketboll për meshkuj. Lezhjanët kanë mposhtur Tiranën 82-71 në finalen që u zhvillua në Parkun Olimpik “Feti Borova”. Perioda e parë ka qenë e luftuar dhe është fituar nga Besëlidhja me rezultatin 17-16. Lezhjanët dominojnë periodën e dytë, rrisin avantazhin dhe mbyllin pjesën e parë me rezultatin 44-36.

Bardheblutë reagojnë në periodën e tretë, të cilën e fitojnë me rezultatin 19-15. Lezhjanët fitojnë periodën e katërt 23-16 dhe të gjithë ndeshjen 82-71. Pasi fitoi Kupën e Federatës, Besëlidhja fiton edhe Superkupën e Shqipërisë në basketboll për meshkuj.