“Unë kurrë nuk e kam lidhur veten me një stil të vetëm loje. Unë njoh shumë sisteme të ndryshme dhe kemi bërë një fillim të mirë, por aktualisht jemi shumë larg dy skuadrave kryesore (Galatasaray dhe Fenerbahçe). Duhet të gjejmë një stil loje me të cilin mund të dominojmë ndeshjet dhe të fitojmë.”

Trajneri i Besiktas, Ole Gunnar Solskjaer, debutoi në këtë mënyrë në konferencën për shtyp në prag të ndeshjes kundër Kayserispor në Super Ligë. Aktualisht, skuadra që kur ish-trajneri i United ka marrë drejtimin, ka gjetur 3 fitore dhe një barazim në ligë, si dhe dy suksese në Kupën e Turqisë.

Shkurtimisht, aventura e Solskjaer në Turqi po shkon shumë mirë, me një mesatare prej 2.50 pikësh për ndeshje në ligë dhe shumë po pyesin nëse ngritja e bujshme në ligë dhe afrimi ndaj dy superfuqive në krye është vërtet e mundur.

“Nuk dua të mendoj shumë për Fenerbahçen (Mourinhon). Gjatë periudhës së transfertave duhet të mendojmë për një plan afatgjatë, të blejmë lojtarët e duhur me vlerën dhe çmimin e duhur”. Së fundi, një koment për qëndrimin e tij në Besiktas që nga 19 janari: “Është si një familje, njerëzit respektojnë njëri-tjetrin. Ka punonjës këtu që kanë punuar për 10, 20, madje 30 vjet.

Është bukur të punosh në një klub si ky dhe me lojtarë të këtij niveli. Dua të provoj dhe të zbatoj këtu gjërat që më bënë të suksesshëm në të kaluarën. Ndryshimet dhe tendencat e reja në lojë po evoluojnë vazhdimisht dhe unë duhet të ndërtoj stilin tim të lojës”.

sfidanti.al