Fundi i ndeshjes e gjeti të lumtur. Nuk e kishte menduar më mirë se kaq, debutimin e tij, Kristal Abazaj, me gol dhe me fitore. Iu deshën vetëm 10 minuta në fushë që të vendoste një ndeshje të vështirë të Osijekut, atë ndaj Istrës në Ligën e Parë të Kroacisë. Pasi hyri në minutën e 54-ët, realizoi në të 64-ën, ndonëse u duk në pozicion të dyshimtë për jashtë loje.

Ishte ndeshja e parë e tij në kampionatin kroat, pasi u largua nga Anderlehti i Superligës së Belgjikës, dhe shpresa është që karriera të vazhdojë ashtu siç shpresohej verën e kaluar. Gazeta e Osijekut, “Glas Slavonije”, kishte si artikullin më të lexuar të ditës, atë për fitoren e Osijekut falë Abazajt.

Titulli ishte: “Një gol, por sa shumë i vlefshëm, ai ishte i kristaltë”, duke iu referuar emrit të Abazajt, Kristal. “Jutarnji List” e Zagrebit shkruajti se fitorja e Osijekut ishte shumë e vështirë, dhe se vendosi goli i shqiptarit. i njëjti vlerësim edhe tek media sportive, “Sportnet.hr”: Osijeku vuajti ndaj Istrës, Abazaj dhuroi fitoren në debutim!

Abazaj është 22 vjeç dhe shpreso të rikthehet në kombëtaren shqiptare, pas një përvoje jo shumë të mirë tek Anderlehti, ku pati pak shanse për t’u aktivizuar, dhe ku luajti më shumë me skuadrën e dytë.

Sfidanti.al