Shefi ekzekutiv i Interit, Beppe Marotta nuk është i habitur aspak me sulmuesin e Romës, Romelu Lukaku, i cili është përpjekur të arsyetojë largimin nga “San Siro”. Belgu ishte i huazuar nga Chelsea sezonin e kaluar dhe pikërisht kur Interi ishte në bisedime për ta bërë këtë lëvizje të përhershme, rezultoi se ai po negocionte me rivalët e Juventusit. Ai përfundoi duke iu bashkuar Romës në formë huazimi, por këtë javë insistoi në një konferencë shtypi se njerëzit do të ‘trondiseshin’ kur të mësonin se çfarë ndodhi në të vërtetë prapa kuintave.

“Kam parë shumë nga këto situata në tregun e transferimeve dhe asgjë nuk më befason tani. Ndonjëherë besimi mund të kthehet në humbje të shpresës dhe më pas në zhgënjim. Në futboll, paraja është ajo që sundon gjithçka, dhe këtë e them për atë që ka të bëjë me Interin në të kaluarën e afërt. Por kjo është e kaluara, ndaj le të shikojmë nga e ardhmja.”, ka thënë Marotta në festivalin e Gazzetta dello Sport.

sfidanti.al