Ishin jo vetëm 3 pikë, por edhe një shpalosje e fuqishme e pretendimeve. Kukësi prej kohësh cilësohet si skuadra që luan më mirë futboll në Shqipëri, veçse tani është edhe ekipi më i mirë i momentit me rezultate. Fitorja 2-0 ndaj Egnatias së Rrogozhinës ishte e merituar dhe u arrit ndaj një rivali të fortë. Tashmë, skuadra e trajnerit Diego Longo është vetëm 1 pikë prapa Tiranës që kryeson Superligën.

Kroati Marko Basha dhe Luka Milunoviç ishin autorët e golave në ndeshjen e luajtur në stadiumin e Laçit. Gjithçka u vendos pas pushimit, ndërsa veriorët luftuan mirë gjatë gjithë 90 minutave. “Sot isha më i sigurt se kurdoherë për fitoren”, – tha Longo pas ndeshjes. Dinamo, ndërkaq, fitoi edhe ajo, por me shumë vuajtje ndaj Kastriotit. Për kryeqytetasit shënoi Besart Ibraimi, ndërsa heroi tjetër ishte Edvan Bakaj që bëri disa pritje në fund. Kukësi ka 20 pikë ndaj 21 të Tiranës e 16 të Vllaznisë, ndërsa Dinamo ka 13 pikë në vendin e pestë.

Sfidanti.al