Para se të intensifikoheshin kontaktet mes Giorgio Furlani-t dhe Fabio Paratici-t, zgjedhja e Milanit dukej se ishte fokusuar tek një drejtues që e njeh shumë mirë Serie A, Igli Tare. Ish-drejtori sportiv i Lazios ishte kandidati i preferuar nga Zlatan Ibrahimovic dhe, për momentin, kjo mund të jetë pista më e mundshme. Tare është pa ekip që prej dy vitesh, dhe një telefonatë nga Milan mund ta tundonte jo pak.

Ish-sulmues dhe një zbulues i jashtëzakonshëm talentesh si drejtues, Tare ka qenë pjesë e drejtimit të Lazios që nga viti 2008, kur la futbollin dhe veshi kostumin e menaxherit. Fillimisht u emërua koordinator i zonës teknike, duke punuar ngushtë me Guglielmo Acri-n për transferimet dalëse. Nga 2009, pas largimit të Walter Sabatini-t, ai u bë drejtori sportiv i Lazios. Gjatë 15 viteve në krye të merkatos së klubit kryeqytetas, Tare u shqua si një zbulues i jashtëzakonshëm talentesh, duke sjellë në Romë lojtarë për pak para dhe duke i shitur për shifra rekord. Kjo është arsyeja pse emri i tij po vlerësohet shumë në Casa Milan. Një nga blerjet më të suksesshme të tij ishte padyshim Sergej Milinkovic-Savic, i marrë nga Genk për 14 milionë euro, duke ia rrëmbyer në minutën e fundit Fiorentinës, dhe më pas i shitur për 40 milionë euro. Emri i Tares vazhdon të përflitet si një opsion i fortë për të marrë drejtimin sportiv te Milan, pas dështimit të marrëveshjes me Fabio Paraticin.

sfidanti.al