Tashmë është zyrtare. Lajmi më i pritur nga tifozët e Real Madridit dhe Barcelonës është konfirmuar: çdo ekip do të ketë në dispozicion nga 26,031 bileta për finalen, që përbën 40% të kapacitetit total të stadiumit ‘La Cartuja” të Sevilla-s

Ky vendim u mor pas një takimi informativ të mbajtur mëngjesin e 4 prillit, ku morën pjesë Federata Spanjolle e Futbollit (RFEF), Real Madridi dhe Barcelona.

Në këtë mbledhje, të dy klubet u informuan se do të kenë secili 40% të kapacitetit të stadiumit ‘La Cartuja’, që përkthehet në 26,031 tifozë për secilin ekip. Federata Spanjolle do të mbajë 20% e mbetur, që i korrespondon 13,016 biletave, ndërsa kapaciteti total i stadiumit do të jetë rreth 65,080 spektatorë.

Gjithashtu, u vendosën edhe çmimet e biletave, të cilat variojnë nga 72 deri në 270 euro. Këto janë më të larta se sezonin e kaluar, kur çmimet varionin nga 40 deri në 220 euro. Por këtë vit, ‘La Cartuja’ është përmirësuar dhe afron tifozët me fushën, sepse nuk ka më pistë atletike.

sfidanti.al