Pas shumë zërash për gjendjen e tij fizike, Denzel Dumfries ka vendosur të sqarojë vetë situatën nëpërmjet një mesazhi në Instagram. Mbrojtësi holandez i Interit u dëmtua në ndeshjen kundër Atalantës më 16 mars, duke pësuar një problem në bicepsin femoral. Dumfries pranon se rikuperimi është më i vështirë dhe më i ngadaltë nga sa kishte shpresuar, duke theksuar se nuk do të nxitohet me rikthimin: “Dëmtimi është më i vështirë sesa e mendoja. Po punoj fort për t’u kthyer më i fortë, por duhet të respektoj kohën që kërkon trupi.” Fillimisht u mendua se do të rikthehej për ndeshjen e kthimit ndaj Bayernit, më 16 prill, në Champions, por aktualisht objektivi më realist është gjysmëfinalja e Kupës së Italisë kundër Milanit, më 23 prill. Megjithatë, duke parë kujdesin që po tregohet, ka gjasa që Dumfries të kthehet në fushë më 27 prill, kundër Romës – thuajse një muaj e gjysmë pas dëmtimit.

sfidanti.al