Është një thikë me dy presa, sidomos për klube të tillë. Dushan Vlahoviç ia vlen sakrificën për të hedhur poshtë ofertat dhe për të synuar suksesin sportiv në fushën e lojës, veçse me kontratën që skadon në 2023, Fiorentina nuk mund të bëjë shaka. Arsenali mësohet se ka ofruar 70 milionë euro për kartonin e sulmuesit serb, shifra më e lartë e diskutuar deri tani, dhe në Itali shkruajnë se presidenti Komiso po mendohet përpara sesa të japë një përgjigje. Nëse Vlahoviçin e mban deri në verë, mund të arrijë Europën, por mundet që vlera e kartonit dalë nga dalë të ulet. Nga ana tjetër, që sulmuesi serb të largohet tani, duhet të gjendet një zëvendësues, dhe po flitet për Skamakën e Sasuolos apo Hulian Alvarezin.

Sfidanti.al