Në boks thuhet “goditje nën brez”. Po në futboll, si mund të përkufizohet veprimi kur dikush përpiqet t’i fusë gishtin në prapanicë kundërshtarit? Këtë çmenduri e bëri mbrojtësi Rodrigo i Ponte Pretës në Brazil, një veprim që solli përjashtimin nga fusha dhe katastrofën.

Ponte Preta kryesonte 2-0 ndaj Vitorias, në betejën për mbijetesë të Serisë A të Brazilit, kampionatit-elitë në vendin e madh të futbollit. Kishin kaluar vetëm 20’ dhe gjithçka u prish nga Rodrigo që bëri veprimin e turpshëm ndaj lojtarit të Vitorias, Rodrigo Tejes, dhe fitoi kartonin e kuq nga gjyqtari.

Kaq u desh, pasi Vitoria përmbysi rezultatin dhe tifozët e Ponte Pretës vërshuan në fushë në formë proteste, duke i dhënë fund ndeshjes para kohe. Kjo humbje afroi edhe rrezikun e rënies nga kategoria dhe mbrojtësi me siguri duhet të fshihet disa kohë për t’u mbrojtur nga zemërimi i tifozëve.

Sfidanti.al