Në Torino duan një mesfushë më të fortë dhe më cilësore, ndërsa tek Mançester Junajtid gjithashtu duan që ta mbajnë. Gjithsesi, Pol Pogba mund të realizojë kënaqësinë e Juventusit e t’i japë një pakënaqësi klubit në “Old Traford”, sepse lajmet janë që ai është i vendosur për t’u larguar. Mesfushori francez, pjesë e Junajtidit në kohën e Sër Aleks Fergusonit, dhe pjesë e Juventusit për disa vjet, mund të ketë nostalgji për “Zonjën e Vjetër”, ashtu siç pati Alvaro Morata. Anglezët do të jenë të detyruar të pranojnë sepse kontrata e tij përfundon verën e vitit 2022, ndaj po qe se nuk e transferojnë këtë verë, mund ta humbasin me parametër zero. Junajtid e mori në 2016 për 89 milionë paundë stërlina, që do të thotë mbi 100 milionë euro, por tashmë kartoni mund të kushtojë jo më shumë se 50-60 milionë euro.

Sfidanti.al