Pol Pogba nuk po luan në ndonjë nivel të lartë, qëkur ka ardhur te Mançester Junajtidi që pati një sezon katastrofik dhe e mbylli Premier Ligën në vendin e 6-të.

Emri i mesfushorit francez, gjatë muajve të fundit, në fakt, është lidhur me Realin e Madridit, por “Tuttosporti” vë në dukje se në adresë të klubit të “Old Traffordit” do të vijë një ofertë e majme jo nga Reali, por nga… Barcelona që, sikurse pretendon mediumi i mësipërm, është gati të paguajë mbi 150 milionë euro për shërbimet e mesfushorit francez.

Që të kenë shumën e duhur për blerjen e Pogbas, “Tuttosporti” thekson se klubi katalonjas, midis të tjerave, është gati të shesë mesfushorin kroat, Ivan Rakitiç, shitja e të cilit në të njëjtën kohë do t’i kriojë hapësirën e lojës Pogbas.

Është bërë e ditur se Junajtidi kërkon për Pogban 170 milionë euro, por ai mund të bjerë dakord edhe për 150 milionë euro.

Sfidanti.al