Pavarësisht gojëdhënave se do të afrohet më shumë se një “gardian” për portën “zikaltër”, Inter duket se do të mjaftohet me shërbimet e zviceranit, Jan Somer, pasi “objektivi” tjetër i nënkampionëve të Evropës ka nënshkruar këtë të hënë me ekipin e tij të re.

Bëhet fjalë për talentin ukrainas të portës së Shakhtar Donjetsk, Anatolij Trubin, me 22-vjeçarin, që paraditen e kësaj të hëne ka nënshkuar me kampionët e Portugalisë, Benfikën, hap ky goxha i madh në karrierën e ukrainasit. Për kartonin e tij, “shqiponjat” e Lisbonës derdhën në arkat e ukrainasve plot 12 milionë euro, të shpërndara në formulën 10 milionë euro bazë plus 2 milionë të tjera bonus. Përsa i përket kontratës personale, Trubin ka nënshkruar me portugezët deri në vitin 2028, ku do të paguhet plot 2 milionë euro në sezon.

sfidanti.al