Me Olivier Giroud që është lënë mënjane dhe Michy Batshuayi që nuk po bind plotësisht, Chelsea ka nisur kërkimet në merkato për një sulmues për të plotësuar repartin e avancuar së bashku me Tammy Abraham. Sipas rrjetit amerikan ESPN, Blutë kanë trokitur në dyert e Napolit për të pyetur për Dries Mertens, një dëshirë e vjetër e Frank Lampard.

Futbollistit belg I skadon kontrata në muajin qershor, por Napoli kërkon 47 milionë Euro, një shifër kjo që frenon tratativat pasi Blutë e Londrës nuk kanë aspak ndërmend të paguajnë këtë shifër. Kështu në një situatë të tillë, duke parë se edhe koha nuk është e mjaftueshme, operacioni mund të shtyhet për në korrik, kur Chelseat do t’I duhet vetëm që të kënaqë futbollistin në aspektin financiar.

Sfidanti.al