Gareth Southgate, trajner i Anglisë, ishte viktimë e një mashtrimi ku humbi miliona euro. Trajneri anglez iu bashkua kështu listës së viktimave të agjentit Terry Byrne, ku ndër të tjera bëjnë pjesë edhe Joe Cole dhe Glenn Hoddle. Terry Byrne është themeluesi i agjencisë Round World Group, e cila përfaqëson yjet e mëdhenj të futbollit, madje në një moment ai përfaqësoi edhe të madhin Pele. Meqenëse paratë e fituara nga klientët e Byrne shkonin fillimisht në llogaritë e agjencisë, ai vendosi të shpenzonte një shumë të madhe, rreth 30 milionë euro, për të blerë një pronë luksoze në qendër të Londrës pa lejen e klientëve, por gjithçka rezultoi një dështim i plotë, sepse kompania “varrosi veten” në borxhe dhe falimentoi. Southgate kaloi muaj duke u përpjekur t’i kthente paratë e tij, por pa sukses.  Për të bërë gjithçka krejtësisht absurde, siç raporton Daily Mail, Gareth Southgate vazhdoi të kishte marrëdhënie të mira me Terry Byrne, por, me shumë mundësi, bashkëpunimi mes të dyve do të përfundojë si rezultat i gjestit që ka bërë agjenti.

sfidanti.al