Në ditët e fundit, emri i Roberto De Zerbit është përfolur shumë si një nga kandidatët kryesorë për të marrë drejtimin e Milanit, që po kërkon një trajner të ri për sezonin e ardhshëm. Megjithatë, vetë trajneri italian e ka mohuar çdo kontakt me klubin kuqezi.

Në konferencën për shtypin para ndeshjes së Olympique Marseille kundër Toulouse, De Zerbi u pyet drejtpërdrejt për zërat që e lidhin me Milanin dhe i hodhi poshtë kategorikisht:

“Siç kam bërë gjithmonë, nuk flas dhe nuk flirtoj me asnjë skuadër. Qëllimi im është të qëndroj këtu për shumë vite. Martesat bëhen nga të dyja palët, do të shohim si do të përfundojë sezoni. Sa për lajmet mbi Milanin? Kam thënë me forcë që nuk janë të vërteta. Nuk kam folur me askënd dhe nuk do të flas me askënd.”

Ky reagim i qartë i De Zerbit vjen në një moment kur Milani ende nuk ka vendosur për trajnerin e ri dhe po pret gjithashtu emërimin e një drejtori sportiv.

sfidanti.al