Mats Hummels, mbrojtës i Romës, ka bërë një njoftim të papritur duke shpallur tërheqjen nga futbolli. Nëpërmjet një videoje të postuar në llogarotw e tij nw rrjetet sociale, ai ka konfirmuar largimin nga futbolli i luajtur këtë verë, duke falënderuar Romën, Borussia Dortmundin, Bayernin dhe Kombëtaren e Gjermanisë. Mesazhi i tij ishte i thjeshtë, por domethënës: “Faleminderit. Fundi. Çfarë udhëtimi!”

“Në këtë moment po luftoj me emocionet e mia. Vjen ai çast që asnjë futbollist nuk mund ta shmangë. Pas më shumë se 18 vitesh dhe pas gjithçkaje që futbolli më ka dhënë, unë do ta përfundoj karrierën time këtë verë.

Kur shoh gjithçka që kam kaluar, e kuptoj se sa shumë ka vlejtur ky udhëtim për mua. Ka qenë e pabesueshme të përjetoja këtë eksperiencë, sepse në futboll të duhet gjithçka – trajnerët e duhur në momentin e duhur, forma e mirë, shokët e skuadrës të cilët të mbështesin. Unë kam pasur fatin të punoj me shumë lojtarë dhe trajnerë të cilëve u detyrohem shumë. Pa ta, karriera ime nuk do të kishte marrë këtë drejtim dhe nuk do të arrinte këtë nivel.”

sfidanti.al