Barça nuk jep dot as 70 milionë euro për Bernardo Silvë, jo më 94!

Mediat katalanase duhet të shkruajnë disa gjëra, sepse padyshim që duan që të lexohen. Në këtë periudhë nuk ka lajme më tërheqëse sesa ato për transferimin e lojtarëve, dhe në Katalonjë duan të dinë se çfarë do të marrë e do të japë Barcelona. “Përrallat e netëve të verës” po vazhdojnë me atë për Bernardo Silvën, yllin portugez të Mançester Sitit, që e pëlqen trajneri Ksavi Hernandez. Siti kërkoj 94 milionë euro, ndërsa sipas “El Mundo Deportivos”, “blaugranët” nuk japin më shumë se 70 milionë. Në të vërtetë, La Liga nuk i ka lejuar katalanasit që të paguajnë shumë më pak për Robert Levandovskin, jo më kaq shumë për Bernardo Silvën. Gjithsesi, lajmet shkruhen sepse ato janë “opium për popullin”.

Sfidanti.al