Ne akoma mbajmë mend golin e Balaj  që i kemi bërë Portugalisë në elimintoret e Europianit 2016-të, madje jemi betuar që ta trashëgojmë ndër breza, siç ndodhi dikur me golin fantazëm  të  Gjninalit ndaj Gjermanisë.  Po gjestet e mëdha, ato që vlejnë më shumë se gjithë pesha e  golave , a mund të trashëgohen ndër  familjet e futbollit? Këto ditë, përfaqësuesja e Portugalisë ka bërë një gjest mbresëlënës, duke dhuruar për futbollin amator të vendit të tyre gjysmën e bonusit të siguruar nga kualifikimi për në Europianin , i cili  do të luhet vitin e ardhshëm. Dhe e dini sa është shuma? Flitet për 4,7 milionë euro , një shumë që duket se një pikë uji në botën e pasur të futbollit, por që kur flitet për futbollin vulnerabël të amatoreve.vlen si  një “pasuri e tërë”…për të mbijetuar!

Tani le të bëjmë një “rofeshatë” dhe të kthehemi në tokën tonë, ku futbollin e komandon FSHF-ja dhe Shqipërinë e përfaqëson Kombëtarja, për të kuptuar se tek ne bamirësitë  janë  pjesë e një loje , ku  vetëm fjalët janë të   bukura ,( sakrifica u mbetet gjithnjë tifozëve), kurse veprat zyrtare  janë të denja për t’i kaluar në sistemin VAR !  Pak ditë më parë, FSHF u shfaq përsëri me petkun e bamirësit ,  si në kohën e tërmetit kur premtoi një apartament për fatkeqët , duke dhuruar 400 fanela dhe topa për mjekët dhe infermierët e repartit infektiv. Mos vallë ishin nisur për tek Liga Amatore e futbollit dhe gabimisht shkuan në spital? Jo, jo kjo pyetje nuk mund te bëhet , se fanelat mbajnë emrat e mjekëve…

Edhe pse thonë se dhuratat i lakmon edhe mbreti, keto  topat dhe fanelat  a mund të përdoren si ilaç apo si “motivues” për mjekët dhe ndihmësit e tyre në këtë luftë për jetë  kundër virusit? Kur e gjithë bota është futur kokë e këmbë brenda në epruvetë dhe hidhet perpjetë  për të shpikur  antidotin e Covidit 19-të, nga labotarori i futbollit tonë  ka dalë një “mjekim  psikolgjik”,  që nuk pihet, por vishet dhe ..goditet!

Sfidanti.al