Çelsi ia shiti Oskarin, për më shumë se 60 milionë euro, ekipit Shangai

Shenhua që bleu me këtë shumë të madhe parash një futbollist brazilian

që ishte një rezervë standarde në ekipin e Antonio Kontes, por, ndërsa krerët e

këtij klubi lodinez, me siguri, që po fërkojnë duart pas kësaj

marrëveshjeje fitimprurëse të pazakontë, trajneri i Arsenalit, Arsen Venger,

bëri, ditët e fundit, një paralajmërim serioz. Ky trajner francez me përvojë

vuri në dukje se miliona eurot që po derdhin kompanitë aziatike, sidomos, ato

kineze,përbëjnë një kërcënim të madh për futbollin anglez, ndërsa

mediume të ndryshëm të ishullit britanik paralajmërojnë se edhe disa yje të

tjerë të Premier  Ligës angleze ndodhen në radarin e klubeve kinezë, yje, nga

të cilët duhet të veçohet, sidomos, njëri. Sipas disa mediumeve të njohur në

Angli, kapiteni i ManU-së, Uejn Runi, kanë tryezë, para vetes, disa oferta

sensacionale, pasi bëhet fjalë për kontrata që mund t’i sigurojnë atij fitime

mësedy herë më shumë sesa ai merr tani, si pagë javore, në Mançester. Runi,

momentalisht, fiton 300 000 sterlina në javë, por Guanxhou dhe Peking Goani

synojnë që ta tundojnë atë, duke i ofruar 700 000 sterlina të çmendura në

javë! Ky lajm është bërë, këto ditë, top lajmi në Britani, ndërkohë që disa

mediume thonë se ky megatransferim mund të shtyhet për në sezonin veror

të transferimeve dhe, si arsye të kësaj shtyrje, sjellin faktin se Runi ndodhet

mjaft pranë thyerjes së një rekordi të veçantë, pra thyerjes së rekordit mitik

të Ser Bobi Çarltonit si golashënuesi më i mirë në historinë e Junajtidit

(Runi, momentalisht ka shënuar 248 gola, një më pak sesa Çarltoni

legjendar).