Mario Balotelli ka kujtime të këqija nga Liverpul dhe ka premtuar se nuk do të kthehet kurrë më, për të luajtur përsëri me “The Reds”. Futbollisti Italian e klasifikon klubin e Premier League, si një nga ato histori që duhen fshirë nga memoria. Sulmuesi i Nicës, në një prononcim të fundit është shprehur: “Nëse kthehem në Angli, është e sigurt që nuk do të luaj për Liverpulin dhe ndoshta shkaku është, se kam luajtur shumë dobët në atë skuadër. E kam thënë se ekipi ishte i mirë, tifozët e mrekullueshëm, por unë nuk do të kthehem më”, u shpreh futbollisti.

Gjatë qëndrimit të tij në Angli, Baloteli ka qenë përherë objekt I faqeve të shtypit, gjithnjë e më pak për çka bënte në fushë, por vetëm për skandalet që sajonte, të cilat u bënë aq të shpeshta, saqë drejtuesit e Liverpulit, por edhe tifozët kërkuan me ngulm largimin sa më të shpejtë të tij.

Sfidanti.al