Telenovela Nejmar pasurohet me një episod të ri. Barcelona ka bërë gati një ofertë zyrtare për të risjellë në Camp Nou sulmuesin brazilian dhe për të larguar Realin e Madridit e së fundmi edhe Juventusin. sipas medias spanjolle, Barcelona është gati të paguajë deri në 160 milionë Euro për blerjen e kartonit të Nejmar, shifër të cilën do ta paguajë në verën e vitit 2020. Barcelona arriti në këtë propozim pas një takimi të zhvilluar në Camp Nou mes drejtuesve të departamentit sportiv dhe atyre të atij financiar të klubit ku i pranishëm ishte edhe presidenti Josep Maria Bartomeu

Ideja e Barcelonës është që të marrë Nejmar me huazim me opsion blerjen e kartonit të tij në korrikun e 2020 pikërisht për 160 milionë Euro. ajo që mbetet për t’u kuptuar në këtë pikë është nëse opsioni i blerjes së Nejmar do të jetë i detyruar apo jo për kampionët e Spanjës. është mëse e qartë se Barcelona nuk mund ta blejë dot tani Nejmar duke qenë se ka shpenzuar 250 milionë Euro për të siguruar Grizmanin, De Jongun, Neton dhe Xhunior .
Barcelona dëshiron të tregojë me këtë ofertë se është vertet e interesuar për Nejmar për të anuluar përfundimisht tentativat e Realit dhe Juventusit. Klubi torinez në orët e fundit hyri në garë për Nejmar duke propozuar një operacion rokambolesk që përfshin kalimin e Dibalës te PSG për të marrë Nejmar dhe Luis Suarez.

Ndërkaq, te Paris Sën Zhermeni duket se po vlerësohet seriozisht ideja e dhënies së Nejmar me huazim. E përditshmja franceze ‘L’Equipe’ publikon deklaratën e një prej drejtuesve të klubit transalpin që e ka pranuar një lëvizje të tillë për Nejmar,sigurisht duke plotësuar kushtet financiare. Kjo është hera e parë që një funksionar i klubit kampion të Francës pranon mundësinë e largimit të Nejmar nga Paris Sën Zhermeni me huazim

sfidanti.al