Skuadra është e mbushur me talente, ndërsa njëri prej tyre pati më shumë fat këtë herë. Emri i tij është Arbër Zeneli, ai luan për Herenvenin në Holandë, ndërsa regjistroi vetveten në histori duke shënuar golin e parë në fitoren e parë të Kosovës në arenën ndërkombëtare, në mënyrë zyrtare. Kjo, ndaj Ishujve Faroe 2-0 në stadiumin “Fadil Vokrri” të sapo rindërtuar në Prishtinë. Për koincidencë, edhe fitoren e parë absolute në futboll, Kosova e pat arritur në një miqësore ndaj Ishujve Farore, madje me shifrat po 2-0.

Nuk qe e lehtë për skuadrën që po bën paraqitjen e dytë në një fushatë eleminatoresh europiane, që pas njohjes në 2016. Dominoi pjesën e parë, por pa shënuar, ndërsa Ishujt Faroe rrezikuan. Me të nisur pjesa e dytë, u kuptua se diçka kishte ndryshuar. Zeneli dribloi radhazi për golin fillestar në 48’, ndërsa Atdhe Nuhiu dyfishoi shifrat në 55’. Kosova ka 4 pikë në dy ndeshje në Ligën e Kombeve, pas barazimit 0-0 në fushën e Azerbajxhanit.

Sfidanti.al