Kur burrat e futbollit nisën vrapin për të lëpirë faqet e lodhura të  presidentit “supermen” ,në sallën  si vagon treni të Asamblesë, sepse na u kujtuan fjalët e rapsodit të futbollit që i këndonte  ndërkombëtareve të UEFA-s me vargjet :

“ Moj UEFA, moj zuzare, si s’të kuptova një herë për fare”. Nga njëra anë na dënon për trukime, nga ana tjetër na ndihmon në trukimin  e “ndeshjes së madhe” .  Tamam si një arbitër i porositur për të devijuar lojën, njeriu nga Ukraina, ishte gjetur si me qiri, pasi kishte edhe  pamjen  sikur vinte nga Shoqatat  .Po, po, nga ato që lindin një herë në 4 vite dhe bëjnë golin në minutën e porositur.

Ku do të  ndodhte në një vend tjetër, kur i huaji në rolin e mësuesit   djallëzor , ndizet në fjalimin maratonë ,  sa ishte gati të merrte  një fletë votimi, t’i vinte një kryq te emri Armand Duka dhe ta mbyllte: “ Mos kërkoni president tjetër, sepse këtë meritoni edhe për 4 vite të tjera”.  Kur ishte Platini në fron, loja dinake  e UEFA-s,  krahasohej me mesfushorin që shikon nga e majta dhe pason nga e djathta. Tani, në kohën e sllovenit Ceferin, skema duket sulmuese po të besosh premtimin e tij solemn  “ tolerancë zero ndaj trukimeve në futboll”.  Një frazë që ka vlerën e një driblimi mes shalëve te besimtarve, sidomos  kur dëgjon  zv.presidentin e UEFA-s,  që fliste edhe më bukur  se vetë Duka për” magjinë”  e kalimit ne Europian, për fushat dhe stadiumet që janë bërë dhe do bëhen, pa na treguar se me çfarë do t’i mbushim. Njeriu  i UEFA-s nxitoi per të ikur me avion, duke mbajtur premtimin e dhënë se në tokën ku trukohet loja e madhe e zgjedhjeve, as  nuk ia vlen bara qeranë të flitet për trukimet “e vogla” , ato të ndeshjeve. Ato të flamosura për të cilat UEFA  akoma nuk paska mbaruar punë me ne, pasi nuk donte te prishte dasmën.

Sfdidanti.al