Nga “ferra e vogël doli lepuri i madh” ! Kjo ndeshja Skënderbeu – Dinamo , e dini si e  luajtën pjesën e   parë, tamam sikur donin t’i jepnin një leksion morali  Kombëtares sonë, asaj  që preku fundin e detit në pjesën e parë..  aq e  vdekur me Ukrahinën. Kjo ndeshja e “ferrës së vogël” kishte ritëm që nuk të vinte në gjumë, kishte raste që të shponin  dhe 4 gola që i shkonin për shtat ngjarjeve të fushës..

Skënderbeu- Dinamo ishte një lloj  Haleluja , po të kujtosh se menynë e futbollit e kemi plot me turli emra, por pjatën e lojës e kemi bosh !  E dini sa vlen Skënderbeu-Dinamo? Një shenjë jete, sa  futbolli i vogël i jep leksion futbollit të madh, kur futbolli që shet bileta të shtrenjta  krekoset me himne dhe me flamuj,(pale kur thonë se është gjëja më e rëndësishme që kemi),  duket  liliput dhe i rrejshëm,  para futbollit te kampnatit që nuk shet dot bileta, por luan per ekzistencë,  per të mbajtur veten në këmbë…ndofta edhe me frymën e fundit !

Sfidanti.al