Qendra ku është grumbulluar Kombëtarja gjermane e futbollit praktikisht është kthyer në një “bunker”. Tabloidi gjerman “Bild” ka publikuar disa fotografi nga fushat ku Nagelsman dhe lojtarët po përgatiten për ndeshjen me Spanjën. Të dy fushat janë izoluar me disa tenda të mëdha ndërsa janë marrë masa që të “blindohen” edhe portat. Sa i përket sigurisë është përforcuar edhe zona përrreth fushave ku police me kuaj patrullojnë non-stop gjatë të gjithë ditës. Kalimtarët “shqetësohen” nga punonjës të Federatës, të cilët sapo shikojnë se afrohet dikush në zonë dëgjojnë muzikë me volum të lartë duke bërë kështu të pa mundur që të dëgjohet se çfarë komunikojnë lojtarët me trajnerin.

sfidanti.al