Gennaro Gattuso së shpejti mund të kthehet në skenën e futbollit, me trajnerin italian që ka marrë ofertë nga Arabia Saudite. Sipas raportimeve të medieve italiane, Al-Taawoun i ka bërë një ofertë shumë tunduese Gattusos. Tani i takon ish-lojtarit të Milan-it, që në muajin shkurt u shkarkua nga stoli i Marseille, të vendosë nëse dëshiron të marrë drejtimin e një ekipi në Arabi. Al-Taawoun, që renditet në vend të katërt të kampionatit arab, ka edhe një ‘italian’ në skuadër, pikërisht Musa Barrow, i cili më herët ka veshur fanellat e Atalantës dhe Bolognës në Itali.

sfidanti.al