Mesi nuk do të jetë vetëm në shtëpi, por do të ketë shoqëri, ndonëse në distancë. Kristiano Ronaldo iu bashkua superyllit portugez sepse Mançester Junajtidi u eleminua nga Championsi ashtu si një javë më parë Paris SG. “Djajtë e kuq” zhgënjyen në fushën e tyre, në “Old Traford”, duke u mundur 0-1 nga Atletiko e Madridit. Mbrojtësi brazilian i krahut, Renan Lodi, shënoi golin e vetëm në 41’, dhe spanjollët e Diego Pablo Simeones u mbajtën fort deri në fund. Anglezët patën epërsi territoriale (60 për qind zotërim topi), por pa e kthyer në epërsi në gjuajtje.

Suksesi për Simeonen ishte i madh, pasi ekipi madrilen ishte pranë eleminimit që në grup me Liverpulin, Porton e Milanin. Sot është në çerekfinale të Championsit, ndërsa në La Ligë ka mundësi të hyjë sërish në zonën Champions, edhe pse jo të mbrojë titullin e fituar vjet. Legjenda e Junajtidit, Pol Skoulls (sot opinionist) tha se “ekipi ka nevojë për një trajner për të qenë, nuk e di sesi e kanë caktuar Rangnikun që ta drejtojë”.

Në çerekfinale janë kualifikuar deri tani: Bajerni, Liverpuli, Mançester Siti, Reali i Madridit, Atletiko e Madridit, Benfika.

Mançester Junajtid (4-2-3-1): De Gea, Dalot, Varan, Megajer (Mata 84’), Tejes, Mektominai (Matiç 68’), Fred (Kavani 76’), Sanço, Fernandes (Pogba 68’), Elanga (Rashford 67’), Ronaldo.

Atletiko Madrid (5-3-2): Oblak, Jorente, Gimenez, Saviç, Mandava, Lodi, De Paul, Herrera, Koke (Kondogbia 80’), Zhoao Feliks (Felipe 90’), Grizman (Korrea 90’).

Rezultatet: Mançester Junajtid-Atletiko Madrid 0-1 (Lodi 41’), Ajaks-Benfika 0-1 (Daruin Nunjez 77’).

Sfidanti.al