Urimi është që të përmirësohet dhe të shërohet sa më shpejt. Të tilla duhet të jenë fjalët për çdo njeri, dhe këtë ia dëshirojmë edhe superagjentit të futbollit, Mino Raiola, i cili është shumë i sëmurë, veçse ende nuk ka vdekur, siç u raportua nga media në Itali dhe pastaj në Europë, e në të gjithë botën. Agjenti italo-holandez reagoi që nga spitali, duke shkruar në Tuiter se “për të dytën herë në 4 muaj ata më “vranë”, por duket se unë qenkam në gjendje që të ringjallem”. Doktori Alberto Xangrilo (Zangrillo), shefi i anestezisë dhe repartit të urgjencës në Spitalin “Shën Rafaeli” në Milano gjithashtu reagoi se “jam skandalizuar nga telefonatat e disa pseudogazetarëve që spekullojnë për jetën e një njeriu që po lufton fort”. Krahu i djathtë i Raiolës, Hoze Fontes Rodrigez deklaroi nga Holanda se “ai është në pozicion të keq, por nuk ka vdekur”, ndërsa një burim tjetër tha se “ai është shumë, shumë sëmurë”.

Sfidanti.al