Nuk ishte aspak në terezi as përpara sesa ta jepte intervistën në dhjetor të vitit të kaluar, por që pas asaj dite situata u bë edhe më e keqe. Romelu Lukaku, blerja rekordmene e Çelsit me 115 milionë euro, po kalon një periudhë prej Ferri në Londër, dhe dy rastet e pastra të humbura në ndeshjen e Championsit ndaj Realit ishin mishërimi më i mirë i momentit negativ të sulmuesit belg. Sidomos, rasti i dytë i humbur nga 6 metra larg ishte i pabesueshëm. Me gjasë, Lukaku ka humbur besimin tek vetja, ndonëse humbja e Çelsit 1-3 në “Stemford Brixh” nuk ishte thjesht për shkak të ish-sulmuesit të Interit. Gabimet e mbrojtjes, mesfushës dhe portierit Mendi ndihmuan që Karim Benzema të shkëlqente me 3 gola.

Sfidanti.al