Rafael Nadali konsiderohet si një nga tenistët që ka shënuar tenisin modern, duke fituar 18 tituj turnesh Grand Slam, 12 nga të cilët “Rolan Garo”. Ky tenist spanjoll është i paprekshëm në kortet e Parisit, por në një intervistë të fundit, Nadali vuri në dukje se epiteti “yll tenisi” nuk e detyron atë që të sillet si i tillë.

“Unë nuk e shoh botën nga pozicioni i yllit të tenisit. Botën e shoh si një njeri i zakonshëm dhe jeta ime është shumë e zakonshme, ashtu si edhe miqve të mi. Unë dua të rri çdo ditë me familjen time dhe miqtë e mi. Për mua, familja është gjëja më e rëndësishme në jetë. Herë pas here, unë gatuaj vet, sepse di ta bëj një gjë të tillë, madje kam një dëshirë të madhe që të gatuaj”, deklaroi Nadali.

Sfidanti.al